सुण सुण तेजा म्हारा देवर तू मत ना दिखावे तेवर – Sun Sun Teja Mhara Devar Tu Mat Na Dikhave Tevar – Hinduism FAQ

सुण सुण तेजा म्हारा देवर,
तू मत ना दिखावे तेवर,
तू मत दिखावे तेवर,
लिया थारी लाडी ने,
उन्दो सून्दो मत,
बोल्या कर भाभी ने।।

मै तो लेकर आई भातो,
क्युं रुस गयो तू खातों,
क्युं रुस गयो तू खातों,
फेंक दी थाली ने,
उन्दो सून्दो मत,
बोल्या कर भाभी ने।।

तेजा घर में काम घणेरो,
रोले नैनो टाबर मेरो,
रोवे नैनो टाबर मैरो,
दियाई थारी दादी ने,
उन्दो सून्दो मत,
बोल्या कर भाभी ने।।

तू परण्यो कुणकी साथा,
थारी मायड़ जाण बाता,
थारी मायड जांण बाता,
लिया थारी लाडी न,
उन्दो सून्दो मत,
बोल्या कर भाभी ने।।

भाभी घाव कर क्युं हरियो,
नहीं परण्यो नहीं सासरियो,
नही परण्यो नहीं सासरियो,
नही देखी शादी न उन्दो,
उन्दो सून्दो मत,
बोल्या कर भाभी ने।।

सुण सुण तेजा म्हारा देवर,
तू मत ना दिखावे तेवर,
तू मत दिखावे तेवर,
लिया थारी लाडी ने,
उन्दो सून्दो मत,
बोल्या कर भाभी ने।।

गायक – पटवारी बंजारा।
प्रेषक – रामावतार।